कपूतप्रति

तिमीप्रति हाम्रो रहेन कुनै भरोसा
तिमीले केही गरौला भन्ने छैन कुनै आशा
अझसम्म जे जति गुमायौ गुमायौ तिमीले
अझसम्म जे जति उडायौ उडायौ तिमीले
अझसम्म जे जति लुटायौ लुटायौ तिमीले
अब उप्रान्त
भएको केही नचलाइदिए हुन्थ्यो
भएको केही नछोइदिए हुन्थ्यो
बचे खुचेको पुर्खाको  धन सम्पतिमा
जोगिएको जाय जेथामा
चल अचल सम्पतिमा
अमूल्य सम्पदामा
आँखा नलगाइदिए हुन्थ्यो
हात नहालिदिए हुन्थ्यो
दाँत नगाडिदिए हुन्थ्यो
नंग्रा नफिंजाइदिए हुन्थ्यो
जे छ
जति छ
जस्तो छ
त्यसलाई त्यस्तै रहन दिए हुन्थ्यो
त्यसलाई जस्ताको तस्तै हुन दिए हुन्थ्यो
बिना कुनै आनाकानी
बिना कुनै तलमाथि
बिना कुनै हेरफेर
बिना कुनै जालझेल
त्यससका असली हकवालाहरूलाई
त्यसका असली संरक्षकहरूलाई
लेखा परीक्षण गरेर
अझसम्मको हर हिसाब बुझाइदिए हुन्थ्यो
चल अचल सम्पति
सही सलामत बुझ बुझारथ गरिदिए हुन्थ्यो
जिम्मा लगाइदिए हुन्स्थ्यो
अरु केह केही गर्न नसके पनि ्
एउटा ढलेको सिन्को उठाउन नसके पनि
यतिसम्म त गरिदिए हुन्थ्यो
धन्य धन्य हुन्थ्यो तिमी
जय जयकार हुन्थ्यो तिम्रो
त्यसपछि त
राजपाठ सब सुम्पिसके पछि त
स्वतन्त्र हुन सक्दथ्यो तिमी ्
जे गर्न पनि
जहाँ जान पनि
संन्यास लिन पनि
बान्य प्रस्थानको जमाना नभए पनि यो
काशीबासको लागि प्रस्थान गर्न पनि  सक्दथ्यो तिमी
उसरी तिमी देवघाटमा विश्राम पनि गर्न सक्दथ्यो
बनस्थलीमा समाधिस्थ पनि हुन सक्दथ्यो ।
२–८–२०७४