पुजारीको देश

भन्दथे उहिलेका मान्छेहरू
प्रकतिका पृुजारी हुन्थे       
शक्तिका पुजारी हुन्थे
सूर्यका  पुजारी हुन्थे
बायुको पूजारी हुृन्थे.
अग्निका पूजारी हुन्थे
नागका पुृजारी हुन्थे
देवी देउताका पूजारी हुन्थे
दुर्गा काली महाकालीका पुजारी हुन्थे
रणचण्डिकाका पुजारी हुन्थे
हनुमानका पुजारी हुन्थे
शक्ति कै पूजारी हुन्थे
पछि मान्छे मान्छेकै पुजारी हुन थाले
युद्ध सरदारका पुजारी हुन थाले
राजा महाराजका पुजारी हुन थाले
बादशाहका पुृजारी हुन थाले
सम्राटका पुजारी हुन थाले
हुँदा हुँदा मान्छेहरू
सामन्तवादका पुजारी हुन थाले
पूंजीवादका पुृजारी हुन थाले
साम्राज्यवादका पुजारी हुन थाले
बिस्तारवादका पुुजारी हुन थाले
मान्छे शक्तिको उपासक बने पछि
शक्ति कै भक्त बन्दै जाँदोरहेछ
शक्तिकै पुजारी बन्दै जाँदोरहेछ
मान्छेले भूत पिचास डायना बोक्सीको पूजा गर्ने
मान्छेले लागो झाक्रीको पूजा गर्ने
मान्छेले सीमे भूमेको पूजा गर्ने
आखिर शक्तिकै पुजारी भए र  होला
हामी  नेताको पूजा गर्दछौं
नेता विदेशी प्रभुको पूजा गर्दछन्
भनेर भएन
पशुपतिको यो देश नै पुजारीको देश बनेको छ ।

१८–१०–२०७४