Skip to main content

कटु यथार्थ



उनीहरू त उतैका थिए
उतैका कुरा गर्ने नै भए
यसमा आश्चर्य मान्नु पर्ने कुरा नै के छ र त्यस्तो
यताकाले पनि निर्लज्ज भई
उतैका कुरा गर्न थाले
उतैका हुन थाले
आश्चर्य मान्नु पर्ने कुरा त यो पो त भयो
भन्न त हामीले नभनेको होइन
उताको भए पनि तिमी
यतैका बन
कुरा गर यतैका
सपना देख यतैका
मादल बजाऊ यतैको
गीत गाउ यतैको
पीर्ति लाउँ यतैसित
तर के गर्नु
यतैका मान्छे समेतले
उतैका कुरा गर्न थाले पछि
यताका मान्छे पनि
उतैका मान्छे बन्न थाले पछि
यताका मान्छेले पनि
उतैको सिता खाएर
उतैको गीता गाउन थाले पछि
यताका मान्छेले पनि
उतैको भलो गर्न थाले पछि
उतैको हलो जोत्न थाले पछि
उतैका मान्छे उनीहरू
उतैका कुरा गर्ने नै भए
यताको होइन उनले
उतैको भलो सोंच्ने नै भए
उतैको हलो जोत्ने नै भए
यताका होइन उनले
उतैको खेतीपाती गर्ने भए
उतैको विउ विजन रोप्ने भए
उतैका रुख बिरुवा सार्ने भए
उतैको मलजल लगाउने भए
उतैका बालीनाली स्याहार्ने भए
उतैको भकारी भर्ने भए
उतैको मुद्दा बोक्ने भए
उतैको बकपत्र गर्ने भए
उतैको साक्षी बस्ने भए
उतैको बारिस बन्ने भए
उतैको बहस पैरवी गर्ने भए
उतैकालाई जिताउन
जुनसुकै ठाउँमा पनि पुग्ने भए
जसलाई पनि गुहार्ने भए
जुनसुकै कदम पनि चाल्ने भए
चारैतिर आगो बाल्ने भए
आन्दोलन ठूलै थाल्ने भए
सकेको आफूले गर्ने नै भए
तहस नहस पार्न सबकुछ
अघि आखिर सर्ने नै भए ।
१३–११–०७३
२४–२–२०१७

Comments

Post a Comment

Popular posts from this blog

कविताको फुलबारी

  कहिले कहिले मलाई  रोजी रोटीको यो संसार चटक्क बिर्सिदिएर केवल कविताको फुलबारीमा डुलौं जस्तो लाग्छ केवल कविताको फुृलबारीका भुलौं जस्तो लाग्छ कविताको फुलबारीबाट सुन्दर सुन्दर कविताका फूलहरू टिपेर  कविताका सुन्दर सुन्दर माला गुथुँ जस्तो लाग्छ  तर रोजी रोटीको यो व्यस्त जीवनमा  रोजी रोटीको यो संघर्षमय जीवनमा  कहाँ संभव छ र  कविताको फृुलबारीमा डुलिरहने कविताको फुलबारीमा भुलिरहने  कविताका फुलबारीम रमाइरहने कविताको फुलबारीमा हराइरहने कविताको फुलबारीबाट कविताका सुन्दर सुृन्दर फूलहरू टिपेर  कविताका मालाहरू गुथिरहने शायद यही भएर होला  कविताको फुलबारीमा डुलिरहने रहर कविताका फुलबारीमा भुलिरहने रहर  कविताको फुलबारीमा रमाइरहने रहर  कविपताको फृुलबारीमा हराइरहने रहर कविताका फूलका सुन्दर सुन्दर फूलहरू टिपेर  कविताका मालाहरू गुथिरहने रहर  केवल एउटा रहर मात्र रहन गएको छ  हो व्यस्त जिन्दगीबाट पनि अलिकति समय निकालेर  डुल्न पनि भ्याएको हुँला कविताको फुलबारीमा भुल्न पनि पाएको हुृँला कविताको फुुलबारीमा  रमाउन पनि लागेको हुँला ...
Post a Comment
Read more

जय फासीवाद

जमीनबाट बर्खे च्याउ जस्तै उम्रिने होइन फासीवाद आकाशबाट असिना जस्तै बर्सिने होइन फासीवाद कुनै राजा महाराजाका बाहुलीबाट तुल काटेर आउने होइन फासीवाद कुृनै मंत्री महोदयका कर कमलबाट पानस बत्ती बालेर आउने होइन फासीवाद कुनै हातमा जलका करुवा समातेका पंच कन्यालाई अघि लाएर आउने होइन फासीवाद कुनै मठ मंदिरमा मण्डपमा बेदका ऋचा पढेर गीता पाठ गरेर शख घण्टी बजाएर बाजा बजाएर कर्नाल फुकेर नरा लगाएर ढोल पिटेर कुनै अग्लो डाँडाबाट हाको हालेर राँको बालेर हो हल्ला मच्चाउादै घोषणा गर्दै आउने होइन फासीवाद लोकतन्त्र कै जामा पहिरिंदै आउँछ फासीवाद लोकतन्त्र कै गीत गाउँदै आउँछ फासीवाद लोकतन्त्रकै नारा भट्टाउँदै आउँछ फासीवाद लोकतन्त्र कै झण्डा बोकेर आउँछ फासीवाद शान्ति सुरक्षाको नाममा आउँछ फासीवाद अमन चैनको नाममा आउँछ फासीवाद ऐन कानून संविधान कै नाममा आउँछ फासीवाद जति गैर कानूनी भए पनि कानूनी राजकै नाममा आउँछ फासीवाद लोकतन्त्र कै गर्भबाट जन्मिन्छ फासीवाद लोकतन्त्रकै अभ्यासबाट हुर्किन्छ फासीवाद लोकतन्त्रक्रै पक्ष पोषणबाट फैलिन्छ फासीवाद लोकतन्त्रकै संम्बद्र्धन संरक्षणबाट झंिगिन्छ फास...
Post a Comment
Read more

संस्कृत भाषा सम्बन्धमा मेरो अवधारणा

  मलाई संस्कृत भाषाको अध्ययनप्रति निकै रुचि थियो । शायद साहित्यप्रति रुचि राख्ने व्यक्तिको संस्कृत भाषा साहित्यको ज्ञान हुनु पर्दछ भन्ने भावनाले उत्प्रेरित भएर पनि होला । मैले आसामको दरंग ( हाल शोणितपुर ) जिल्लामा स्थित चारदुवार एच ई स्कुलमा अध्ययन गर्दा एक विषय संस्कृत भाषा लिएको थिएँ । अर्को एक विषय हिन्दी लिएको थिएँ । आसाम ( असम ) सरकारले आसाममा हाई स्कुलदेखि स्नातकसम्म नेपाली विषय लिने स्वीकृति दिएको थियो । तर  चारदुवार एच ई स्कुलले नेपाली विषय अध्ययन अध्यापन गर्न दिने व्यवस्था गरेको थिएन । उसरी आसामका अधिकांश हाई स्कुलमा नेपाली विषय अध्यापन गर्ने व्यवस्था गरिएको थिएन । यसैले मैले नौ दश कक्षामा नेपाली वा आसामी भाषाको सट्टा  हिन्दी विषय लिन परेको थियो । मलाई कक्षा नौ दशमा हिन्दी अध्यापन गराउने कुनै शिक्षक नभएको हुनाले मैले स्वाध्ययनबाट हिन्दीको विषयको परीक्षा दिन परेको थियो । स्कुलमा राष्ट्रभाषा हिन्दीका प्रथमादेखि प्रवोधसम्मका कक्षा अध्यापन गर्ने एकजना नेपाली तारा उपाध्याय हिन्दी शिक्षकको रूपमा कार्यरत त थिए । तर उनले नौ दश कक्षाको हिन्दी विषय अध्यापन गर्दैनथे । कुरा ...
Post a Comment
Read more