सत्य

असत्य असत्य नै हो
तर असत्यलाई शक्तिले  सत्य बनाउँछ
सत्य सत्य नै हो
तर सत्यलाई सत्य बनाउन पनि शक्ति चाहिन्छ
आज दुनियाँमा शक्तिकै बलमा असत्य पनि सत्य भैरहेको छ
आज दुनियाँमा सत्य पनि शक्तिको अभावमा असत्य भैरहेको छ
तर पनि साँचो कुरो के हो भने
सत्यको अगाडि असत्य जति शक्तिशाली भए पनि कमजोर हुन्छ
असत्यको अगाडि सत्य जति कमजोर भए पनि शक्तिशाली हुन्छ
यसैले त हो सत्य असत्यसित कहिले डराउँदैन
जब कि असत्य सत्यसित सधैं डराउँछ
भयभीत हुन्छ
यहाँसम्म कि आतंकित हुन्छ
यसैले त हो
असत्यले सत्यमाथि प्रतिबन्ध लगाउँछ
असत्यले सत्यलाई अबैद्य घोषित गर्दछ ।
१७–११–२०७४