बोक्सीको आराधना

हे बोक्सी देवी
म तिम्रो सभक्ति प्रार्थना गर्दछु
म तिम्रो बरु कठोर कठीन तपस्या गर्दछु
मलाई पनि बोक्सी बन्ने रहर छ
मलाई पनि तिमी जस्तै बोक्सी बनाऊ
हो मलाई पनि तिमीलाई जस्तै
छौडा नचाउने रहर छ
मलाई पनि छौडा नचाउन सिकाऊ
मलाई पनि तिमीलाई जस्तै
छौडा छोड्ने रहर छ
अन्धविश्वासीका घर घरमा
छौंडा छोड्ने तालिम देऊ
मलाई पनि बक्सी बनाऊ
तिमीले कसैका जिउमा
दा“त गाडेर नीलडाम पारे जस्तै
म पनि जनद्रोहीका जिउमा जहरिला दा“त गाढेर
नीलडाम पार्न चाहन्छु
रगत नै  चुस्न चाहन्छु
तिमीले कसैलाई ऐंठन गराएर
रातभरि चैनको नींद सुत्न नदिए जस्तै
म पनि देशद्रोहीलाई मस्त सुतिरहेको बेलामा
ऐंठन गराएर बेचैन बनाउ“छु
म तिमीले जस्तै आ“खा लगाउ“छु
नया“ नेपालको बाटोमा का“डा लगाउनेहरुका दाना पानीमा
म तिमीले जस्तै बान हान्छु
देशको अग्रगतिमा तगारो बन्नेहरुका मुटु मुटुमा
हे बोक्सी देवी
मलाई पनि तन्तर मन्तर गर्न सिकाऊ
सारा तालिम गराऊ
मलाई पनि तिमी जस्तै बोक्सी बनाऊ
डायना डंकिनी बनाऊ
किच्किनी बनाऊ
पिचासिनी बनाऊ
कुटनी बूढी बनाऊ
रा“को बाल्दछु म पापी समाजमा
आगो लगाउ“छु म अपराधी जगतमा
हे बोक्सी देवी
मलाई पनि अविलम्ब
तिमी जस्तै बोक्सी बनाऊ
तर तर म
तिमीलाई खोई के गुहारु“
तिमीलाई खोई के पुकारु“
के बिन्ती बिसाऊ“ तिमीमा
मलाई पनि बोक्सी बनाऊ भन्दै
जबकि स्वयं मलाई नै संदेह लाग्न थालेको छ
तिम्रो बोक्सीको प्रमाणपत्रमाथि नै
तिम्रो बोक्सीको तालिममाथि नै
तिम्रो बोक्सीको अभ्यासमाथि नै
तिम्रो क्षमतामाथि नै
तिम्रो कुशलतामाथि नै
तिम्रो चमत्कारितामाथि नै
तिम्रो शक्तिमाथि नै
तिम्रो अस्तित्वमाथि नै
म सोंच्दछु
यदि तिमी सा“च्चै नै बोक्सी हुन्थ्यौ भने
निरिह भएर किन बस्थ्यौ तिमी चुपचाप
नर्ककुण्डको दण्ड भोग्दै
असीम पीडा खप्दै
अकल्पनीय यातना झेल्दै
कुनै शत्रुले गर्दछ तिमीमाथि भीषण आक्रमण भने
ईटको जबाब  पत्थरले पनि दिन सक्थ्यौ 
यदि तिमी सा“च्चै नै बोक्सी हुन्थ्यो भने
मलमूत्र नै खुवाउ“थ्यो तिमीले तिमीलाई मलमूत्र खुवाउनेहरुलाई नै
यदि तिमी सा“च्चै नै बोक्सी हुन्थ्यो भने
फोर्ने थियो तिमीले तिम्रा आ“खा फोर्नेहरुका आ“खाहरु नै
यदि तिमी सा“च्चै नै बोक्सी हुन्थ्यो भने
जिउ“दै जलाउ“थ्यौ तिमीले तिमीलाई जिउ“दै जलाउनेहरुलाई नै
यदि तिमी सा“च्चै बोक्सी हुन्थ्यो भने
भष्मखरानी पार्दथ्यो तिमीले
सृजना र सोन्दर्यकी प्रतीक बनेकी महान नारीलाई
बोक्सीको आरोपले डाम्नेहरुलाई
बोक्सीको आरोपले लछारपछार पार्नेहरुलाई
बोक्सीको आरोपले ज्यान नै लिन खोज्नेहरुलाई
समाजका धब्बाहरुलाई
सृष्टिका कलंकहरुलाई
सभ्यताका शत्रुहरुलाई ।
१०–१२–०६८