नयाँ बर्षको शुभकामना

हरेक वर्ष हामी
खिन्न हुँदै
विदा दिन्छौं पुरानो बर्षलाई
र प्रफुल्ल हुँदै
भित्राउँछौं नयाँ वर्षलाई
पुरानो बर्ष केही दिएर जान्छ
सुख दिएर जान्छ
दुख दिएर जान्छ
हाँसो दिएर जान्छ
आँसु दिएर जान्छ
जीत दिएर जान्छ
हार दिएर जान्छ
सफलता दिएर जान्छ
विफलता दिएर जान्छ
यसपल्ट पनि
नयाँ सालले
यही कुरा दोहोराउने छ
यस्तै यस्तै कुरा दोहोराउने छ
इतिहास दोहोरिन्छ भन्छन्
तर इतिहास हुबहू त्यही रुपमा दोहोरिन्न पनि
त्यही रुपमा दोहिरिन सक्दैन पनि
हो इतिहास कुनै न कुन रुपमा त अवश्य दोहोरिन सक्दछ
इतिहास हाम्रो लागि ठूलो दुर्भाग्य भएर दोहोरिन पनि सक्दछ
इतिहास हाम्रो लागि ठूलो सौभाग्य भएर पनि दोहोरिन सक्दछ
कुरो यो पनि छ
कहिले इतिहासले हामीलाई दोहोराउँछ
कहिले हामीले नै इतिहास दोहोराउँछौं
कहिले इतिहासले हामीलाई निर्माण गर्दछ
कहिले हामीले नै इतिहासको निर्माण गर्दछौं
अहिले त पुरानो साल जाँदै छ विदा भएर
नयाँ साल आउँदै छ– स्वागतद्वारबाट प्रवश गर्दै
कुनि के के को कुम्लो बोकेर
भारी तारी बोकेर
हामीलाई थाहा छैन अहिले कत्ति
नयाँ वर्षले हामीलाई डोराउने हो कि
हामीले नै नयाँ बर्षलाई डोेहोराउने हो
नयाँ बर्ष हाम्रो लागि ठूलो फलीफाप हुने हो कि
नयाँ बर्ष हाम्रो लागि ठूलो अभिशाप पो हुने हो
आखिर नयाँ वर्ष कस्तो हुने हो त्यो नयाँ बर्षकै हातमा होला
उसरी नयाँ बर्ष कस्तो हुने हो त्यो हाम्रै हातमा पनि होला
नयाँ बर्षले हामीलाई बिगार्न पनि सक्दछ
नयाँ बर्षले हामीलाई सपार्न पनि सक्दछ
हामीले नयाँ बर्षलाई बिगार्न पनि सक्दछौं
हामीले नयाँ बर्षलाई सपार्न पनि सक्दछौं
हामीले अब हेरफेर गर्न नसक्ने त पुरानो बर्ष मात्र हो
हामीले अब केरमेर गर्न नसक्ने त पुरानो बर्ष मात्र हो
हामीले अब चलाउनै नसक्ने त पुरानो बर्ष मात्र हो
हामीले अब छुनै नसक्ने त पुरानो बर्ष मात्र हो
जे होस्
हामीसित निकै आत्मीयता बढेको पुरानो वर्ष विदा भएर जाँदैछ
हामीसित बिल्कुलै अपरिचित रहेको नयाँ बर्ष
हामीसित कुनै साइनो नभएको नयाँ बर्ष
अज्ञात नयाँ बर्ष
बाजा बजाउँदै आउँदै छ
हल्ला गर्दै आउँदै छ
स्वर मच्चाउै आउँदै छ
ढोल पिट्दै आउँदै छ
नयाँ वर्षको पूर्वसन्ध्यामा
शुभकामना नयाँ बर्षलाई
शुृभ कामना नयाँ बर्ष पर्खेर बसेका मित्रहरूलाई पनि
शुभकामना मेरा सारा ज्ञात अज्ञात शुभ चिन्तकहरूलाई पनि ।

३०–१२–०७१

्