माक्र्सको संझनामा

तिमीले भन्यौ
अहिलेसम्म दार्शनिकहरूले
संसारको व्याख्या मात्र गरेका छन्
अब आवश्यक छ संसार फेर्न
हुन पनि हो
बुझेर मात्र के गर्ने यो संसार
बर्णन गरेर मात्र के गर्ने यो संसार
संसार फेर्ने कुरा प्रमुख हो
पmेर्नैको लागि बुझ्नु पर्दछ यो संसार
यत्ति हो संसार फेर्ने कुरा कहाँ ससिलो छ र
सजिलो भए त जसले पनि फेर्दथे यो संसार
एक बार होइन दुई बार होइन हजार बार फेर्दथे यो संसार
जो पनि बन्दथे संसार फेर्ने महानायक
किन कोही भाग्दथे बीचबाटोबाट नै छोडेर
संसार फेर्ने काम
महापण्डित राहुले पनि
माक्र्सको स्वरसित आफ्नो स्वर मिलाउँदै भनेकै थिए
भागो नही दुनिया को बदलो
तर पनि साँचो कुरा त के हो भने
यो संसारमा संसार फेर्ने कुरादेखि भाग्ने मान्छे मात्र छैनन्
संसार फेर्न अन्तिम विन्दुसम्म लाग्ने मान्छे पनि छन्
यो संसारमा संसार फेर्ने मान्छे पनि छन्
लेनिन यस्तै एउटा मान्छे थिए
स्तालिन यस्तै एउटा मान्छे थिए
माओ यस्तै एउटा मान्छे थिए
उनीहरू
माक्र्समा असल अनुयायी थिए
उनीहरू माक्र्सका असल उत्तराधिकारी थिए
उनीहरू संसार बुझेर मात्र बसेनन्
उनीहरू संसारको व्याख्या मात्र गरेर बसेनन्
उनीहरूले संसारलाई फेरे पनि
यो कुरा बेग्लै हो कि
उनीहरूले फेरेको संसारमा घुन किरा लाग्यो
उनीहरूले फेरेको संसारमा धमिरा लाग्यो
उनीहरूले फेरेको संसार
फेरि फेरिएको छ
उल्टो दिशातिर
अग्रगमनतिर होइन
प्रतिगमनतिर
फेरि पनि तिमीले परिकल्पना गरेको संसार फेर्न
लाखौ लाखौ मान्छेहरू
करौडौं करोडौं मान्छेहरू
असंख्य मान्छेहरू
तिमीले इंगित गरेको बाटोमा
तिमीले कोरेको बाटोमा
निरन्तर जुटेका छन्
दिन रात खटेका छन्
संसार फेर्ने महायात्रामा
लंग मार्चमा
अनेक दुख कष्ट झेल्दै
मृत्युसित खेल्दै
कुरा ठीक हो कि यतिबेला
संसार फेर्ने मान्छेभन्दा पनि
संसारलाई फेर्न नदिने मान्छे बलिया बनेका छन्
अस्थायी रुपमा भए  पनि
क्षणिक रुपमा भए पनि
संसार फेर्ने मान्छेले फेरेको संसारलाई
यिनीहरूले फेरेका छन्
यिनीहरूले उल्टाएका छन्
संसार फेरि फेरि यिनीहरूले
फेरि पुरानै अवस्थामा पुराएका छन्
संसारलाई अग्रगमनतिर होइन
प्ां्रतिगमनतिर धकेलिरहेका छन्
संसारलाई उल्टो दिशातिर हाँकिरहेका छन्
अहिले उनीहरूकै डाँको ठूलो छ
अहिले उनीहरू कै हुकूम चल्दछ
तर पनि हामी के कुरामा ढुक्क छौं भने
हामी के कुरामा विश्वस्त छौं भने
तिम्रो संसार फेर्ने महान यात्रालाई
लंगमार्चलाई
पृथ्वीको कुनै ताकतले रोक्न सक्दैन
ढिलो चाँडो यो संसार फेरिन्छ फेरिन्छ
यस कारणले पनि फेरिन्छ कि
संसार फेर्ने यात्रामा लाखौं करोडौं मान्छेहरू लाम लागेर अघि बढेका छन्
एक पछि अर्को गर्दै
चुनौतीका अग्ला अग्ला पहाड चढेका छन्
मान्छेले नै त हो यो संसार फेर्ने
सचेत  र सजग मान्छेले
संगठित र संघर्षशील मान्छेले
संसार फेर्ने संकल्प गर्दै
समर्पित भएका मान्छेहरूले
केही केही मान्छेले हरेश खाए भन्दैमा
केही केही  मान्छेले बाटो छोडे भन्दैमा
केही केही  मान्छे  किनारा  लागे भन्दैमा
केही केही मान्छेले शत्रुसित हात मिलाए भन्दैमा
केही केही मान्छे बर्गबैरीको शिविरमा बिलाए  भन्दैमा
तिमीले अंगुल्याएको मानव मुक्ति मार्गमा
संसार फेर्ने महायात्रामा
लंगमार्चमा
पृथ्वीको यो कुनादेखि त्यो कुनासम्मका मान्छेहरू
अबिराम यात्रामा छन्
अबिराम संघर्षमा छन्
अबिराम युद्धमा छन्
र यो युद्ध पुरै ससार नफेरिएसम्म जारी रहने छ
निरन्तर क्रान्तिको पथ हुँदै अघि बढिरहने छ
हो दार्शनिकल ेसंसारको व्याख्या मात्र पुग्दैन
संसारको बर्णन गरेर मात्र पुग्दैन
संसार नै फेर्नु पर्दछ
कसैले फेरि उल्टाउन नसक्ने गरी फेर्नु पर्दछ
कसैले फेरि पल्टाउन नसक्ने गर िफेर्नु पर्दछ
शत्रुहरूले भन्न सक्दछन्
माक्र्सवाद पुरानो भयो
शत्रुहरूले भन्न सक्दछन्
माक्र्स असान्दर्भिक भए
संसार फेर्ने दर्शन कहिले पुृरानो हुँदैन
माक्र्सवाद कहिले पुरानो हुँदैन
संसार फेर्ने भन्ने मान्छे कहिले असान्दर्भिक हुँदैन
माक्र्स कहिले असान्दर्भिक हुँदैनन्
कहिले पुरानो नहुने दर्शनको नाम माक्र्सवाद हो
कहिले असान्दर्भिक  नहुने सर्वहाराबर्गमा महान दार्शनिकको नाम माक्र्स हो ।
४ मई २०१८
२१ बैशाख २०७५