पुष्प बिमान

१
साधुको भेषमा
अवतरित रावणहरू
यस पवित्र भूमिमा खिचिएका
लक्ष्मणरेखा पार गर्दै
अपरहण गरेर सीतालाई
जबरजस्ती कोचेर
पुष्प बिमानमा
जम्बु जेटमा
उडाइरहेका छन्
दक्षिण दिशातिर
हवाई मार्ग हुँदै
तुफानी गतिमा
२
सीता माताको प्रतिरक्षार्थ
आकाशमार्गमा नै
भिड्न गएको जटायुमाथि
पं्रहार गरेर बेहिसाब
वार गरेर धारिलो तलबारले
पार्दै शक्त घाइते
काटेर पंखेटा दुबै
लडाइरहेका छन् भूतलमा
पुराएर
अर्ध मृुर्छित अवस्थामा
३
नयाँ घटना भने यो अवश्य होइन
विगतमा पनि
साधुको भेषमा अवतरित
रावणका थुप्रै अवतारहरूले
लक्ष्मणरेखा पार गर्दै
यस पत्रित्र भूमिका सीता माताहरूलाई
जवरजस्ती अपहरण गरी
पुष्प बिमानमा कोचेर
जेट बिमानमा कोचेर
आकाश मार्ग हुँदै
उडाएका हुन्
दक्षिण दिशातिर
तुफानी गतिमा
सीता माताको प्रतिरक्षामा उत्रेका
बीर जटायुृहरूमाथि
प्रहार गरी  तलबारले
शक्त घाइते पार्दै
काटेर दुबै पखेटा उनीहरूका
धरतीमा ढलाउँदै
अर्ध मुर्छित अवस्थामा पुराउँदै
 ४
यो क्रम जारी छ
इतिहास जारी छ
साधुको भेषमा
भिक्षाको पात्र बोकेर आउने रावणहरूले
लक्ष्मण रेखा अतिक्रमण गर्दै
लुटपाट मच्चाइरहेका छन् यस धरतीमा
काटमार मच्चाइरहेका छन् यस धरतीमा
उत्पात मच्चाइरहेका छन् यस धरतीमा
संकटग्रस्त पारिसकेका छन् यस धरतीलाई
 ५
भय त यस कुराको भइसकेको छ हरेक प्राणीलाई
अनुभूत त यस कुराको भइसकेको छ हरेक संवेदनशील मन मस्तिष्कलाई
कतिबेला
लक्ष्मणरेखाका सबै सीमा नाघेर
अपहरण गर्दै सीता मातासितै
कतै सिगो धरतीलाई नै
दक्षिणदिशातिरै उडाएर बेपत्ता पार्ने हुन्
पृुष्पबिमानमा जवरजस्ती कोचेर
जेट बिमानमा जबरजस्ती कोचेर
दुष्ट रावणहरूले
पाइलटहरूले
 ६
हाम्रो यो आशका
कुनै दिन वास्तविकतामा परिवर्तित हुन पनि सक्दछ
साधुको भेषमा
लक्ष्मण रेखा नाघेर
सीता माताको अपहरण गरी
पुष्प बिमानमा जबरजस्ती कोचेर
जेट बिमानमा जबरजस्ती कोचेर
दक्षिणदिशातिर उडाउने रावणहरूका
को पाइलटहरूका
पुष्प बिमानका
जम्बु जेटका
माथि माथि आकाशमाार्गमा
उड्ने पखेटा
पाइन चढाएको
साँज लगाएको
धारिलो तलबारको चोटिलो प्रहारले
उल्टै
कुनै साहसी जटायृुले जरैदेखि काटिदिने होइन भने
तिनलाई फेरि कहिले नउठ्ने गरी
भूईमा ढलाइदिइने होइन भने
आवश्यक परे
फोर्स ल्यान्डिङ गराएर भए पनि
पुष्प बिमानको
जम्बु जेटको
अपहरित सीता माताहरूको सुरक्षित अवतरण गराउने होइन भने
अपहरित सीता माता जन्मेको धरतीको सुरक्षित अवतरण गराउने होइन भने ।
             
२१–२–२०७५