आगोदेखि होशियार

हिउँदमा सधैं आगो लाग्दछ जंगलमा
उसरी मौसम बेमौसमा पनि लाग्दछ आगो
आगो लाग्नलाई कुनै आइतबार चाहिंदैन
आगो लाग्नलाई कुनै साइत जुराउन पर्दैन
कुनै पात्रो पल्टाउन पर्दैन
कुनै जोखाना हेर्न पर्दैन
जहिले पनि लाग्न सक्दछ आगो
जहाँ पनि लाग्न सक्दछ आगाो
बेला कुबेला पनि लाग्न सक्दछ आगो
आगो लागे पछि
्बाँकी के राख्दथ्यो
डडाल्छ  हरियो बन
नेपालको  धन
डडाल्दछ जडी बुटी
डडाल्छ पशु पन्छी
डडाल्छ किरा माकुरा
डडाल्छ बनस्पति
डढाल्छ सबकुछ
हो कहिले आफै लाग्दछ आगो
कहिले लगाइन्छ आगो जानी जानी
कहिले बनभित्रबाट¬ै लाग्दछ आगो
कहिले बन बाहिरबाट पनि
कहिले घरभित्रैबाट लाग्दछ आगो
कहिले घर बाहिरबाट पनि
हो लागे पछि
आगोमाथि घिउ छर्किने मान्छे पनि हुन्छन् यो दुनियाँमा
आगो माथि पानी बर्साउने मान्छे पनि
आगो लागे पछि आफ्नो रोटी सेकाउने मान्छे पनि हुन्छन् यो दुनियाँमा
आगो लगाएर जिउँदै मान्छे मार्ने पनि मान्छे हुन्छन् यो दुनियाँमा
आगोमा हाम्फालेर आफू भष्म खरानी भए पनि
आगोमा जलिरहेका मान्छेलाई बचाउने मान्छे पनि हुन्छन् यो दुनियाँमा
हिटलर पनि जन्मिन सक्दछन् आगोको मुस्लोबाट
हिटलरको चिहान खन्ने स्तालिन पनि जन्मिन सक्दछन् आगोको मुश्लोबाट
बेवास्ता गरे एउटा फिलोंगाले घर जलाउन सक्दछ भनेथे
टोल्टयले कुनै दिन
एउटा फिलिगोले सारा बनमा डढेलो लगाउन सक्दछ भनेथे
माओले कुनै दिन
आगोसित नखेल
आगो खतरनाक हुन्छ
आगोसित नझिस्क
आगो बज्र भएर पडकिन सक्दछ
आगो ज्वालाखुखी भएर बिस्फोट हुन सक्दछ
आगो जब जल्न थाल्दछ दन दन दन्किैदै
आगो जब र्फैलिन थाल्दछ आगोका लप्का हुँदै सारा विश्वमा
आँधी र हुरीको गतिमा
दुई चार खिया लागेका दमकलको के काम
सात समुन्द्को पानी पनि कम हुन सक्दछ
दन्किरहेको आगोको मुश्लो निभाउन
आगो  आफू मात्र जल्दैन
जे जे पर्दछ आगोको मुखमा जलाउँदै जान्छ
साना झोपडी पनि जलाउँछ आगो
गगनचुम्बी महल पनि जलाउँछ आगो
हनुमानको पुच्छरमा आगो लगाउँदा रावणले
सुनको लंका के भो
सबैले जाने बुझेकै कुरा हो
आगो जब आगो भएर दन्किन्छ
प्रलय हुन सक्दछ यो विश्वमा
खण्डहर बन्न सक्दछ यो सारा सभ्यता
आगो निभाउने सबभन्दा सरल उपाय हो
आगो लगाउँदै नलगाउनु
आगो लाग्नै नदिनु
आगो लागे पछि खरानी नबनी निभ्दैन यो
आगो लागे पछि
खरानी नबनाई निभ्दैन यो
हो आगो लागेर रोम जल्दा
निरो मात्र बाँसुरी बजाएर बस्न सक्दछ ।
१५–१२–२०७५
२९–३–२०१९