बिर्सेका छैनौं

बिर्सन त हामीले कालापानी त के
नालापानी पनि विर्सेका छैनौ
बिर्सन त हामीले किल्ला कांगडा र टिस्टा पनि बिर्सेका छैनौं
बिर्सन  त हामीले ग्रेटर नेपालको नक्शा पनि विर्सेका  छेनौं
सपना पनि  विर्सेका छैनौं
बिर्सन पनि कसरी बिर्सन सक्दथ्यौं हामी
हाम्रा पुर्खाले रगतले लेखेको  गौरवशाली इतिहास
विर्सन पनि कसरी बिर्सन सक्दथ्यौं हामी
हाम्रा पुर्खाको गौरव गाथा र अद्भूत् अदम्य साहस
काँप्दथे थर थर  साम्राज्यवादका तोप गोला पनि
गोरखालीका हातमा नांगो खुकरी चम्किन थाल्दा
बैरीको त  सातो नै जान्थ्यो युद्धको मैदानमा
आयो गारखाली भन्दै हाम्फाल्दा
हिजो सिंगो देश खाएर पनि भरिएनछ अझै अगस्तीको भूँडी
खान खोज्दै छ मुख बाएर दैत्य
हाम्रो स्वतन्त्र स्वाधीन र सार्वभौम भूमि पनि चुँडी चुँडी
पशुपति नगर खायो महेशपुर खायो
सुस्ता खायो
खायो लिम्पियाधुरा  लिपुलेक कालापानी
पाएर  नै हो कि लेन्डुपेहहरूको गुलियो बचन
खाँदै छ हाम्रो जमीन दिन दिनै
छिन छिनै
झनै झनै
शनै शनै
एक्लो जगे पिलरले कति  गरोस् सुरक्षा यो देशको भूगोेलको
बनेर सीमाकोे मुक  चौकीदार
छैन बरा सुरक्षा खुदै जंगे पिलरको आफ्नै पनि
देश कै सुरक्षाको खोई के कुरा गर्नु
बन्नै पर्ने पो हो कि हामी खुँदै देशभक्त नेपाली नै जंगे पिलर
सीमानामा लगाउनै पर्ने पो कि काँडे तार
हुनै पर्दछ जसरी पनि छेक बार
होला अवश्य एक दिन
मुद्दा मुलुकको हाम्रो बार पार
तर लगाउनै पर्ने भो खुकुरीमा आजैदेखि धार
राख्न सक्दैनौं पुर्खाको कीर्ति जीवित भने
हामी बाँचेको के सार
कायर सरकार जति सुते पनि देश लुटिंदा
नेपाली जनता छन् जागाराम
फिर्ता गराउने  छन् लुटेको धरती सब
गरेरै भए पनि  शत्रुको संहार
दुष्ट दुश्मन खबरदार
एक चिम्टिी मातृभूमिको माटोको रक्षाको लागि पनि
छौं हामी  लड्न भिड्नलाई सधैं तयार
प्यारो छ देशको एक एक टुक्रा भूमि हामीलाई
एक दिन होइन दुई दिन होइन
आवश्यक परे लड्छौ हामी
अन्तिम दिनसम्म
लागे लागोस् बर्ष हजारौं हजार
निश्चित छ ढिलो चाँडो
हाम्रो शानदार जीत र शत्रुको करार हार ।
२६–२–२०७६
१२–११–२०१९








े