रंगमंचमा देखा परे
देखापरिरहेका छन्
एक पछि अर्का
रंगी विरंगी खलनायकहरू
जसेको हर भूमिका प्रायोजित हुन्छ
नकारात्मक हुन्छ
जसमा हर कथा
दुखान्त हुन्छ
सुखान्त कथा बोकेको
एउटा पनि नाटक
मंचन भएको छैन
अझसम्म
यस रंगमंचमा
इतिहास दोहोरिरहेछ
पटक पटक
पmरक ढंगले होइन
उस्तै उस्तै ढंगले
केही फरक भए पनि
मात्रामा होला केही फरक
गुणमा होइन
दिक्क लागिसक्यो
उही नाटक
एउटै नाटक
पटक पटक दोहोरिहँदा
पात्र फेरिए पनि
भूमिका नफेरिंदा
अभिनय नफेरिंदा
संवाद नफेरिंदा
संदेश नफेरिंदा
मध्यान्तर भए पनि
बीच बीचमा
कथाले कुनै नयाँ मोड नलिंदा
कथाले कुनै नयाँ गति नलिंदा
पर्दा खसालिए पनि
बीच बीचमा
कथामा कुनै हेरफेर नहुँदा
परिवर्तन नहुँदा
दृश्यमा कुनै नवीनता नहुँदा
अति भयो
अति भयो
कति हेरिहने एउटै नौटैकी नाटक
दोहोराई दोहोराई
कति हेरिरहने एउटै दृश्य परिदृश्य
दोहोराई दोहोराई
अब त बन्द गर नौटंकी नाटक
खसाल पर्दा
रचिनु पर्दछ
अब नयाँ कथा
रचिनु पर्दछ अव नयाँ इतिहास
मंचन गरिनु पर्दछ
अब नयाँ पात्र
देखा पर्नु पर्दछ
अब युग नायक
नयाँ भ्मिकामा
प्रस्तुत गरिनु पर्दछ
अब नयाँ दृश्य परिदृश्य
हुनु पर्दछ
अब सर्वथा नयाँ प्रस्तुति
सर्वथा नयाँ कथा
जसमा नयाँ राग अनुराग होस्
जसमा सुखान्तको आशा होस्
जसमा नयाँ गति होस्
जसमा नयाँ शक्ति होस्
जसले सुख शान्ति प्रगति ल्याओस्
जसले प्रवाह गरोस् नयाँ संंदेश
जसले संचार गरोस् नयाँ उर्जा
मन मनमा
जन जनमा
जसले निर्माण गरोस् नयाँ संसार
जुन खडा होस्
एकदमै नयाँ जगमा ।
२४–३–२०७७
Comments
Post a Comment