सम्बन्ध

 

सम्बन्ध अझ सुध्रिदै जान्छ

१९५० को जस्तै असमान

नेपाल भारत मैत्री तथा शान्ति सन्धि गर्दै जाऊ 

नेपाल भारतसितको सम्बन्ध अझ सुघ्रिदै जान्छ

अझ गाढा हुृँदै जान्छ

सुदृढ हृँदै जान्छ 

नेपाल आमाको छाती चिरेर  

कोशी गंडकी महाकाली कर्नाली जस्तै 

नेपालका सारा नदी नाला खोला भारतका चरणमा सुम्पिदै जाऊ  

नेपाल भारतसितको सम्बन्ध अझ सुध्रिदै जान्छ 

अझ गाढा हुृँदै जान्छ

सुदृढ हृँदै जान्छ 

विभिन्न बहाना र विभिन्न नाउँमा छिमेकीलाई

उत्तरतिरका हटेका जस्ता चेक पोष्ट एक एक गर्दै फेरि खडा गर्न देऊ 

नेपाल भारतसितको सम्बन्ध अझ सुध्रिदै जान्छ 

अझ गाढा हुृँदै जान्छ 

सुदृढ हृँदै जान्छ 

दक्षिणतिरको वादशाहलाई 

रातारात  जंगे पिलर ढाल्न दऊ

जंगे पिलर गायब गर्न देऊ 

बर बर सार्न देऊ

यतारितको रस्ती बस्ती उतातिर पार्न देऊ

नेपाल भारतसितको सम्बन्ध अझ सुध्रिदै जान्छ 

अझ गाढा हुृँदै जान्छ 

सुदृढ हृँदै जान्छ 

हिजो मित्र राष्ट्रका चारलाख नागरिकका हात हातमा

नेपाली नागरिकताको प्रमाणपत्र थमाइदिए जस्तै

उताका नागरिकलाई पनि यताका नागरिक बनाइदिए जस्तै 

सीमापारिका हरेक पाहुनाहरूका हात हातमा पनि

अथितिदेवको देव भवको मन्त्र उच्चाहरण गर्दै

नेपाली नागरिक बनाउँद जाउँ 

नेपाली नागरिकको संख्या दिन दुना रात चौगुना बढाउँदै जाउँ 

नेपाल भारतसितको सम्बन्ध अझ सुध्रिदै जान्छ 

अझ गाढा हुृँदै जान्छ 

सुदृढ हृँदै जान्छ 

कुनै दिन अचानक गायब गरिएको नेपालको चुच्चे नक्शा पनि 

हिजो बल्ल बल्ल बनाएको चुच्चे नक्शा पनि 

दक्षिणतिरकै वादशाहका हुकूम प्रमांगीको अक्षरत पालना गर्दै 

उनको उर्दी अगाडि लम्पसार पर्दै

हटाउँदै जाउँ 

गायब पार्दै जाऊ 

नेपाललाई बुच्चे पार्दै जाऊ 

नेपाल भारतसितको सम्बन्ध अझ सुध्रिदै जान्छ 

अझ गाढा हुृँदै जान्छ 

सुदृढ हृँदै जान्छ 

मातृभुमिलाई विदेशी सेनाको परेड खेल्न मैदान बनाऊ 

साम्राज्यवादको दबाबमा 

उत्तरी छिमेकीलाई घेरा हाल्ने र समाप्त पार्नै रणनीतिको सफल कार्यान्वयनको लागि 

संसदैबाट नै एमसीसी पास गर्दै जाऊ 

बुद्धको देशलाई रक्तरंजित युद्धको रणभूमि बनाउँदै जाऊ 

नेपाल भारतसितको सम्बन्ध अझ सुध्रिदै जान्छ 

अझ गाढा हुृँदै जान्छ 

सुदृढ हृँदै जान्छ 

कम्युनिष्टको दुई तिहाईको सरकार छ तिम्रो साथमा यतिबेला  

खुदै प्रमुख प्रतिपक्ष पनि दाहिने हात छ तिम्रो यतिबेला 

उताको आदेश पर्खेर बस्ने जमात पनि त कम सहयोगी छैन तिम्रो आखिर

तिमीले चाहेमा

उताबाट आदेश आएमा

उताबाट आदेश पाएमा

रातारात 

नेपालको नक्शा नै बदल्न सक्दछौ 

नेपालको नक्शाको नक्शालाई जन्म दिनको केक बनाएर काट्न पनि सक्छौं 

लुन्डुपले जस्तै

कुर्सीसित सजिलै साट्न पनि सक्छौ 

सर्वशक्तिमान छौ तिमी यतिबेला

पक्कै फ्रान्सका ल्ुई चौधह जस्तै 

राज्य भनेको मै  तिमी हौ यतिबेला 

ऐन कानून संविधानभन्दा माथि छौ तिमी यतिबेला

आफ्नो शक्ति र सामथ्र्यको पुरा पुरा प्रयोग गर्दै जाउँ

मित्र राष्ट्रका सम्मानीय दूतलाई 

मध्यरातमा दर्शन दिए पनि भेट्दै जाऊ 

स्वागत सत्कार गर्दै जाऊ 

जे जे डिमाण्डको सूचि टेबल गर्दछन् 

जे जे योजना परियोजनाको रिपोर्ट पेश गर्दछन् 

माथिको आदेश मानेर 

कार्यावन्यन गर्दै जाऊ 

मावश्यक पर्दछ भने 

बादशाहलाई खुशी पार्न 

बिराधीहरूका खप्परमाथि लाठी र बुट बजार्दै जाऊ

पानीको फोहोराले अभिशेक गर्दै जाऊ 

गोलीको बर्षा गर्दै जाऊ 

सडक रक्ताम्मे पार्दै जाऊ

रगतको खोला बगाउँदै जाऊ 

यो देशका देशभक्त क्रान्तिकारीहरूमाथि झुठा मुद्धा लगाएर भए जेल भर्दै जाऊ

बोल्नेका मुख सिउँदै जाऊ 

लेख्नेका हातका औला काट्दै जाऊ

यसरी मात्र 

यस्तै यस्तै गरेर मात्र 

दक्षिणका बादशाह प्रसन्न हुन्छन्

नेपाल भारतसितको सम्बन्ध अझ सुध्रिदै जान्छ 

अझ गाढा हुृँदै जान्छ 

सुदृढ हृँदै जान्छ 

मलाई विश्वास छ 

तिमी टिक्यौ भने यो सब संभव छ 

तर मलाई ठूलो संदेह छ 

आखिर तिमी आफै पो टिक्छौ कि टिक्दैनौ ? 

२२–७–२०७७

७–११–२०२०

–

 

ृ 

 

 

–

 

ृ