भाकल

 

हे राम

म तिम्रो चरण कमलमा 

दिन रात दण्डवत गर्दछु

म प्रतिज्ञा गर्दछु

त्यो पर्दैन भन्दै भन्दिनं 

तिम्रो नाममा ठोरीमा डारीले नापी नापी

एउटा अति विशाल राममंदिर बनाइदिउँला

तिमी भारतीय नागरिक रहेछौ भने पनि केही छैन

म तिमीलाई नागरिकता सम्बन्धी अध्यादेश ल्याएर भए पनि रातारात

नेपाली नागरिकता बनाइदिउँला 

तिमीले माग गरे 

म तिम्रा सन्तति लब कुशहरूलाई पनि 

सभक्ति नेपाली नागरिकता दिलाइदिउँला 

म तिम्रा सारा शाखा सन्तानलाई समेत 

नेृपाली नागरिकताको ढोका खोलिदिउँला

म माथि दया गर 

म माथि कृपा गर 

मेरो कल्याण गर 

मेरो  पुकार सुनेर 

मेरो उपकार गर

मेरो प्रिय कुर्सीमाथिआँखा लगाएका रावणहरूबाट 

अपहरणकारीहरूबाट                        

मेरो कुर्सी बचाइदेऊ

जोगाइदेऊ

सुरक्षित राखिदेऊ

कुर्सी छ त म छु 

कुृसीृ छैन त म पनि  छैन           

कुर्सी बिना मेरो अस्तित्व नै कहाँ रहन्थ्यो र

कुर्सी बिना म कहाँ हुन्थें र 

कुर्सी मेरो आइसियु हो 

कुृर्सी मेरो मरो भेन्टिलेटर हो 

कुर्सी मेरो आक्सिजन हो 

कुर्सी मेरो कोरोना १९ बिरुद्धको भ्याक्सिन हो

कुर्सीको लागि जुनसुकै कुर्वानी गर्न पनि म तयार छु

हे राम 

तिमी मलाई कुर्सी देऊ 

म तिमीलाई सिंगो देश दिउँला 

म यो सिंगो देश तिम्रो चरणकमलमा राखिदिउँला 

म यो सिंगो देश तिम्रो नाममा चढाइदिउँला । 

१०–२–२०७८