नामहरू

आज भोलि म 

धेरै मान्छेका नाम बिर्सन थालेको छु 

धेरै मान्छेका नाम विर्सन थालेकोले पनि 

आज भोलि म धैरै मान्छेका नाम संझिन थालेको छु 

मान्छेका नाम नबिर्सी

मान्छेका नाम संझिन सकिने रहेनछ आखिर 

संझिन खोजिने रहेनछ आखिर 

आज भोलि मैले संझेका धेरै मान्छेका नाम बिर्सेर नै

आज भोेलि म धेरैभन्दा धेरै मान्छेका नाम संंझिने जमर्को गरेको छु 

जसको नाम सैझेको छु उसको नाम फेरि नबिर्सियोस् भनेर 

कागजको टुक्रामा कोरेर राख्न पनि थालेको छु 

मस्तिष्कमा कुँदेर राखेका नामहरू हराउन सक्दछन् बरु

अचेतन मनको अथाह जंगलमा 

यसैले संझेका जति नामहरू 

भोजपत्र, ताम्रपत्र वा शिलापत्रमा कृुँदेर राख्न नसके पनि 

कागजको टुक्रामा त कारेर राख्न सकिन्छ 

चाहिएकोे  बेलामा ती नामहरूमा सरर नजर लगाउन सकिन्छ 

हो आजको यो डिजिटलको युगमा 

सकिन त मेमोरी कार्डमा पनि सेभ गरेर राख्न सकिन्छ नामहरू

हार्ड डिस्कमा पनि सेभ गरेर राख्न सकिन्छ नामहरू

तर खतरा यही छ 

यसरी सेभ गरेर राखेका नामहरू

आफूले डिलेट नगरे पनि

ह्याङ्ग हुन सक्दछन्

करप्टेड हृन सक्दछन् 

कतैबाट ह्याक पनि हुृन सक्दछन्  

म जान्दछु 

म मान्दछु 

हामीले जानेका सुनेका नामहरू बिर्सन हुँदैन 

काम लाग्न सक्दछन् ती नामहरू कुनै पनि बेला

अरु त अरु

कविता कोर्न पनि

कथा कोर्न पनि 

लेख लख्न पनि 

इतिहास लेख्न पनि 

त्यसैले त आजभोलि म

धेरैभन्दा धेरै नामहरू

सम्झी सम्झी

संकलन गर्न थालेको छुृ 

जतन गरेर राख्न थालेको छु 

मनको मन्दिरमा पुजेर राख्न नसके पनि 

कागलका खोस्टामा कोरेर राख्न थालेको छु

जे होस्

नामहरूको अनुसन्धान गर्दै गर्दा 

मलाई के कुराको ब्रहम  ज्ञान भयो भने

जति बिर्सन खोजे पनि कत्ति बिर्सन नसकिने नामहरू त  

आफ्नै आफन्त जनहरूका हुँदा रहेछन्

आफ्नै आत्मीय मित्रहरूका हुँदा रहेछन्

वा आफ्नै कट्टर बिरोधीहरूका हुृँदा रहेछन्

आफ्नै परम शत्रुहरूका हृुँदा रहेछन्

आफ्नै खृुँखार दुश्मनहरूका हृुँदा रहेछन् ।

१७–५–२०७८ ( २ –९–२०२१ )