देशका महिमा

 

 

सकिन्छ कसरी बिर्सन चटक्क देशका पाखा पखेरा

आफु जन्मी हुर्की  खेली खाई आका आफ्नै पानी पँधेरा

सकिन्छ कसरी विर्सन सजिलै लेक बेसी गरेको

मेला पात मिली संगी साथीसंगै हुद्दा लाई हिंडेको

संझना त्यो ताजै छ अझै मनमा ऐसेलु टिपी खाको

भ्ुलेको छैन मैले अझै पनि  झाउरे गीत गाको 

बनमा गुराँस फुली ढकमक  ढाके जस्तै लाग्दछ

न्याउली कराई सुन त मलाई डाके जस्तै लाग्दछ 

शरीर जहाँ भए पनि मन त आफ्नै ठाउ्रँमा छ 

बगाए पसिना धन दौलत त आफ्नै गाउँमा छ 

सुनको बटुको थापी भिख माग्ने  देश कसरी बन्यो

बीरताको इतिहास पुर्खाको त्यो आज कसले गन्यो 

बुझ्न यी सब कुरा हामीले आज अबेर भई सक्यो 

विश्व हेर कहाँबाट कहाँ  आज  कसरी पुगी सक्यो

कति बनिरहने हो. सधैभरि  विदेशीका नै दास 

कति फालिरहने हो सधैंभरि प्रदेशमा नै सास 

देश के हो भन्ने कुरा त बल्ल पो विदेशमा बुझिन्छ

रोज्न परेमा मुलक कुनै एक स्वदेश नै रोजिन्छ

बनाएमा बन्न सक्दछ यो देश भूतलको स्वर्ग नै

चाहिन्छ अलिकति युवाहरूको निस्वार्थ उत्सर्ग नै ।

३०–६–२०७८