Skip to main content

पुष १ गते


अणु नाटक

                 

                  दृश्य एक

(  मंचमा जनता अल्लमल्ल ) 

(  पंंचको प्रवेश ) 

पंचः आखिर पंचायती चुनावमा नाक रगडन आउने इतरहरू हेरौं कसरी पुष १ गते मंचमा उभिएर व्यवस्थाको बिरोधमा रुन्चे स्वर निकाल्न सक्ने रहेछन् ।

( पंच जान्छ । कांग्रेसको प्रवेश )

कांग्रेस ः पंचहरूलृ सोचे होलान् हामी पुष १ गतेको कार्यक्रममा भाग लिएर आफ्नो जात फाल्छौं । पुष १ गतेको कार्यक्रममा भाग लिनु भनेको आफ्नो मलाम आफै जानु हो । आफ्नो सतिगति आफैले गर्नु हो । हामी बहिस्कार गर्छौ । गर्छौ । 

( कांग्रेस जान्छ । जनपक्षको प्रवेश ) 

जनपक्षः पंचायतको पंचमा उभिएर पंचायत कै खोेइरोे खन्छौं । हामी त यसमा भाग लिन्छौं । लिन्छौं । 

( जनपक्ष जान्छ । बहिस्कारको प्रवेश )  

बहिस्कार ः पंचायतलाई टाढैदेखि नमस्कार । पंचायतसित पोइल जाने इतरलाई पनि नमस्कार ।

(  बहिस्कार जान्छ )

             दृश्य दुई

( मंचमा उनै अल्मल्ल जनता )

( पंचको प्रवश ) 

पंच (  रिसाउँदै )ः कांग्रेसको यत्रो हिम्मत ! बहिस्कार ! कार्वाही गर्नु पर्छ । कार्वाही । निलम्बन । निस्कासन ।

( पंच जान्छ । कांग्रेसको प्रवेश ) 

कांग्रेस ः हामीमाथि कार्वाही ! निलम्बन ! निस्कासन ! मेलमिलाप होइन । संघर्ष गर्नु पर्दछ ! संघर्ष ! देश व्यापी संघर्ष !तर.. तर ...हामीले संघर्ष थालिदिए कम्युनिष्ट अघि बढ्छन् कि ? संघर्ष गर्न ठीक । संघर्ष गर्न बेठीक ।

( कांग्रेस जान्छ । वामपन्थको प्रवेश ) 

वामपन्थ ( यता उता हेर्दै ) ःकांग्रेसले कहिले संघर्ष छेंड्ला ? क्रान्ति गर्ने त हामीले नै हो !

(  वामपन्थ जान्छ । पर्दा खस्छ । )

( अणु पत्रिका अंक ६ ः  १८–१०–२०४४ बाट )



Comments

Post a Comment

Popular posts from this blog

लालबीन क्षेत्रीको सम्झनामा

  हालै नागालैण्डको डिमापुरमा लालबीन क्षेत्रीको असामयिक मृत्यु भएको खबर पाएँ  । दुखित भएँ ।  उहाँको मृत्युको खबरले मलाई  सर्वप्रथम शिलाङ पुरायो । हाम्रो भेट र चिनाजानी शिलाङमा भएको थियो । अझ कुरा खु्लाएर भन्नु पर्दा हाम्रो प्रथमभेट गल्फलिंकमा भएको थियो । एशिया कै नामूद गल्फ फिल्ड गल्फ लिंकमा भएको थियो । त्यहाँ हामी पिकनिकमा उपस्थित थियौं । कुनि कताबाट mाालबीन क्षेत्री त्यहाँ झुल्किए । उनका साथमा अन्य कुनै व्यक्ति पनि हुनु पर्दछ । तर म स्मरण गर्न सकिरहेको छैन । जे होस्, लालबीन बडो रमाइलो व्यक्ति रहेछन् । नाच गान जानेका व्यक्ति रहेछन् । उनी त्यस पिकनिकमा नाचे गाए ।  शायद त्यही नाचगानले गर्दा नै उनी मेरो नजरमा परे । मेरो सम्झनामा रहे ।  हाम्रो त्यो भेटले पछि राजनीतिक सम्बन्ध समेत स्थापित  गर्यो । उनी बाम राजनीतिमा सम्पर्कित भए । पुष्पलालको नेतृत्वको कम्युनिष्ट पार्टीका नजिक भए । उनी डिमापुरमा सामाजिक साहित्यिक र सांस्कृतिक कार्यमा पनि क्रियाशील रहे ।  लालबीन क्षेत्रीको पुख्र्यौली घर स्याञ्जा हो ।  तर उनी स्या)ञ्जा पुगेको मलाई त्यति सम्झना छैन ।  पछि लालबीन क्षेत्रीको विबाह त्यतिबेला गुवाहा
Post a Comment
Read more

त्यो फेरि फर्केला कथातिर फेरि फर्किंदा

     ।  मैले गल्कोटमा विद्यार्थी कालमा त्यो फोरि फर्केला कथा अध्ययन गरेका थिएँ । मलाई त्यस कथाले निकै नै प्रभावित पारेको थियो । मेरो बाल्यकालमा नै  लोककथाप्रति निकै धेरै रुचि भए पनि आधुुनिक कथाका सम्बन्धमा मेरो कुनै खासै ज्ञान थिएन । त्यतिबेला म शायद भवानी भिक्षुको नामसित परिचित भएको थिएँ थिएन त्यो पनि मलाई थाहा छैन । तर पनि उनको त्यो फरि फर्केला कथाले मलाई निकै प्रभावित पारेको थियो । हो, मलाई त्यो फेरि फर्केला कथाले त्यसरी नै प्रभावित पारेको थियो जसरी मलाई मैले आसाममा हाई स्कूलमा अध्ययन गर्दा अंग्रेजी पाठ्य  पुस्तकका दुई कथा लिउ टल्सट्वायको  हाउ मच लैण्ड डज ए म्यान निड र अमेरिकी कथाकार वाशिंगटन आरभिङको  रिप भ्यान विंकल तथा हिन्दी पाठ्य पुस्तक गद्य माधुरीेको  चन्द्रधर शर्मा गुलेरीले लेखेको कथा उसने कहा थाले प्रभावित पारेका थिए । भनिन्छ चन्द्रधर शर्मा गुलेरीले जम्मा दुईबाट कथा लेखेका थिए । अर्को कथा पढ्ने मौका त मैले पाइनं । खोजेर  पढिन पनि । तर मलाई उसने कहा था कथा एउटा जीवन्त कथा जस्तो लागेको थियो । मलाई कता कता उसने कहाँ था र त्यो फेरि फर्केला उस्तै उस्तै कथा लाग्दछन् ।  फरक यत्ति हो
Post a Comment
Read more

सुमिनाको वागी स्त्रीको आत्मकताको एक अध्ययन

  सुमिनाको बागी स्त्रीको आत्मकथा नाममा उनको २०८० सालको पहिलो कविता संकलन प्रकाशित भएको छ । शायद यो बर्षको महिला हस्ताक्षरको यो एउटा सबभन्दा बडी चर्चित तथा महत्वपूर्ण साहित्यिक कृति हो । यो कुनै एक व्यक्तिको आत्मकथाको पुस्तक जस्तो सुनिन्छ । कसैको निजी आत्मकथा जस्तो लाग्दछ । तर कुरो यसो होइन । यो कविता संकलन हो । कविले मुख्यत महिलाहरूका समस्या र वेदनालाई आफ्ना कवितामा वाणी दिएको हुनाले यसलाई आत्मकथा पनि  भन्न सकिन्छ । तर यो आत्मकथा कुनै एक खास महिलाको जीवनमा आधारित नभएर आम महिलाको जीवनसित सम्बन्धित छ पनि भन्न सकिन्छ । यस कविता संकलनका कविताले कुनै एक खास महिलाको आवाजलाई बुलन्द गरेको देखिए पनि यसले आम महिलाको जीवनलाई प्रतिनिधित्व गरेको देखिन्छ । यस कविता सकलनले महिला कुनै न कुनै रूपमा पुरुषद्वारा पीडित भएको कुरालाई प्रतिबिम्बित गर्दछ । यस कविता संकलनमा मुख्यत पूँजीवादी समाजमा हुर्के बढेका महिलाहरूको चित्रण गरेको छ । उनीहरूको व्यथा कथालाई वाणी दिएको छ  ।  महिला सदा सर्वदा पुरुषद्वारा शोषित पीडित रहे भएको कुरा भने साँचो होइन । यस समाजलाई माक्र्सले मुख्यत ६ युगमा विभाजित गरेका छन् ।  आदिम सा
Post a Comment
Read more