अणु नाटक
क्याम्पसमा खेलकूद पछि ठूलो भोज हुन्छ । त्यसमा विभिन्न बिषयसित सम्बन्धित प्राध्यापक प्राध्यापिकाबीच गफ चल्छ
( बिषय वा प्रसंगले अर्को अर्थ नलागे बिषयक प्राध्यापक अथवा प्राध्यापिका बुझिने छ । )
बाएलोओजी ः( मासुतिर हेर्दै ) खसीको मासुभन्दा कुखुराको मासु बढी स्वादिलो हुन्छ ,।
बोटनी ः( मुलामा आँखा गाढी ) पाचनको लागि मुला निकै राम्रो चीज हो ।
इतिहास ः मानिसहरू पहिला हरेक चीज काँचै खान्थे ।
इंगलिस ः( काँटा चम्चा बजाउँदै ) आज भोलि नेपालमा इंगलिस स्टायलमा भोज खुबाउन थालिएको छ ।
संस्कृति ः( चिन्तित हुृँदै ) नेपाली संस्कृतिको दुर्गती हुँदै छ । हामीले टेबलमा बसेर होइन चकटीमा चाकल मारेर बसी खानु पर्ने । धोती फेरी, टोपी झिकी, बलो हाली, देउतालाई चढाई खाने चलन पनि हाम्रै हो ।
समाजशास्त्रः पहाडतिर अझ पनि पुरानो चलन कायमै छ ।
भूगोल ः मुस्ताङ मनांग जस्ता ठाउँमा ढृुंगा खाए पनि पच्छ ।
अर्थशास्त्र ः कुनै होटलमा यही चीज खुवाउन परेको भए क्याम्पसको ढाँढ नै भाचिन्थ्यो ।
गृह विज्ञानः नूत तेल मसालाको मात्रा ठीक मिलेमा मात्र भोजन स्वादिलो हुन्छ ।
कानूनः ( थप्दा भीड बढी घुचाटा घुचट चल्छ ) लाम लाग्नुहोस् । हरेक कुरामा लाम लाग्नु पर्दछ ।
गणित ः हिसाब शान्तिले एक एकलाई मासु थपिदिउँ ।
साख्यिकी ः१५० जनाले भोज खाँदैछन् । यी मध्ये ५० जना अतिथि , ३० जना खेलाडी, २० जना कर्मचारी र ५० जना प्राध्यापक प्राध्यापिका छन् । पुरुषको संख्या १४० र महिलाको संख्या १० छ । औसत आयु ४३ बर्ष ।
नेपाली ःः अंग्रेजीमा होइन हामीबीच नेपालीमा नै कुराकानी हुँदै छ ।
राजनीति ः भोजमा ठूलो राजनीति घुसेको छ ।
खेलकूद ः खेलकूद नभएको भए भोज नै हुने थिएन ।
( समाप्त )
( अणु पत्रिका अंक ७ , २५–१०–२०४४ मा प्रकाशित )
Comments
Post a Comment